Jamaǵat arasynda senbilik ótedi

Qazaqstan musylmandary dinı basqarmasynyń Nur-Sultan qalasyndaǵy ókildiginiń uıymdastyrýymen sáýir aıynyń 20-juldyzynda (senbi) Elorda meshitteri jamaǵattarynyń qatysýymen jalpy halyqtyq senbilik ótedi.

Senbilik aıasynda:

• Qala meshitteriniń alańyna aǵash otyrǵyzý;

• Qala mańyndaǵy mazarlarda (zırat) tazalyq jumystary júrgiziledi.

Qatysamyn deýshiler 20-sáýir kúni saǵat 09:00-de Elordanyń kez-kelgen meshitine kelýine bolady.

Qazaq halqy artyńda mal qalǵansha, tal qalsyn dep tekke aıtpasa kerek. Aǵash otyrǵyzýdyń paıdasy qanshalyqty ekenin eki dúnıe sardary Paıǵambarymyzdyń (s..ǵ.s.) myna hadısinen ańǵarýǵa bolady: «Kimde-kim bir tal ekse Alla Taǵala mindetti túrde bul tal jemis bergenshe oǵan saýap jazady». Taǵy bir hadıs sháripte: «Kimde-kim bir tal egip, onyń jemisinen adam nemese Alla Taǵalanyń jaratqandarynan bireý jese, aqıqatynda ol adam úshin bul bir sadaqa», – delingen.