JASANDY INTELLEKT NEGIZINDEGI IMAM AI JOBASY MAMYR AIYNDA PILOTTYQ NEGIZDE ISKE QOSYLMAQ

Búgin elordada Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanulynyń tóraǵalyǵymen ótken arnaıy apparat jınalysynda tsıfrlyq damý baǵytyndaǵy ózekti máseleler keńinen talqylandy.

Jıyn barysynda QMDB Tsıfrlyq damý bóliminiń meńgerishisi Tımýr Serikqanuly Imam AI jobasyn tanystyryp, jasandy ıntellekt múmkindikterin dinı-aǵartýshylyq baǵytta tıimdi paıdalaný joldaryna toqtaldy. Atalǵan joba zamanaýı tehnologııalardy qoldaný arqyly jamaǵatqa jedel ári sapaly aqparat usynýdy, suraqtarǵa jedel jaýap berý júıesin qalyptastyrýdy kózdeıdi.

Bólim meńgerýshisiniń aıtýynsha, búgingi jıynda jasandy ıntellekt múmkindikterin paıdalaný aıasynda Imam AI quralyn iske qosý máseleleri naqty aıqyndalyp, jobany júzege asyrýdyń negizgi kezeńderi belgilendi.

Sonymen qatar, Imam AI júıesin pılottyq negizde iske qosý osy jyldyń mamyr aıynyń basyna josparlanyp otyrǵany atap ótildi.

Bas múftı Naýryzbaı qajy Taǵanuly tsıfrlandyrý jáne jasandy ıntellektti engizý baǵytyndaǵy bastamalardyń mańyzdylyǵyna toqtalyp, dinı qyzmet sapasyn arttyrýda jańa tehnologııalardyń róli joǵary ekenin jetkizdi. Sondaı-aq jaýapty bólimderge jobany sapaly ári ýaqytyly júzege asyrýdy tapsyrdy.







 

​