JASTAR ARASYNDA DOSTYQ FÝTBOL OIYNY ÓTTI (FOTO)
Astana qalasy ókildiginiń Jastar isi sektorynyń jyldyq josparyna sáıkes «Aq meshit» pen «Áziret Sultan» meshitiniń jastary arasynda dostyq fýtbol oıyny ótti.
Sharanyń negizgi maqsaty – jastardyń ýaqytyn tıimdi ótkizýine jaǵdaı jasap, sport arqyly olardyń yntymaqtastyǵy men birligin arttyrý. Jarys dostyq rýhta ótip, eki taraptyń oıynshylary ózara syılastyq pen tatýlyq úlgisin kórsetti. Kezdesý barysynda tek sporttyq básekelestik emes, sonymen qatar baýyrmaldyq pen ózara qoldaý sezimi de aıqyn baıqaldy.
Uıymdastyrýshylardyń aıtýynsha, mundaı oıyndar jastardyń salaýatty ómir saltyn qalyptastyrýǵa, olardyń densaýlyǵyn nyǵaıtýǵa jáne dinı-rýhanı birlikti kúsheıtýge yqpal etedi.
Источник: Aidos
