JASTAR ARASYNDA KONFESSIIaARALYQ ÚSTEL TENNISINEN TÝRNIR ÓTTI

Elordada Dinderdi zertteý ortalyǵynyń uıymdastyrýymen «RUHANI QUMBEZ» jobasy aıasynda konfessııaaralyq ústel tennısinen týrnır ótti.

Sporttyq is-sharaǵa túrli konfessııa ókilderi qatysyp, ústel tennısinen ózara baq synady. Týrnırdiń basty maqsaty – dinaralyq tatýlyq pen ózara túsinistikti nyǵaıtý, túrli dinı birlestikter ókilderi arasynda dostyq qarym-qatynasty qalyptastyrý jáne salaýatty ómir saltyn nasıhattaý.

Jarysqa Astana qalasy ókildigi Jastar isi sektorynyń atynan elordalyq shákirtter de belsendi qatysty. Olar sporttyq doda barysynda ózara tájirıbe almasyp, sheberlikterin shyńdap, jaqsy nátıjeler kórsetýge tyrysty.

Saıysqa qatysqan elordalyq shákirtterdiń qatarynda Astana qalasyndaǵy «Nursultan» meshitiniń shákirti Ómiruzaq Orazbek te boldy. Ol tartysty básekede qarsylastaryna laıyqty qarsylyq kórsetip, nátıjesinde II orynǵa ıe boldy.

Aıta keteıik, «RUHANI QUMBEZ» jobasy aıasynda uıymdastyrylǵan bul týrnır túrli konfessııa ókilderin ortaq qundylyqtar tóńireginde biriktirip, tatýlyq pen yntymaqtastyqty dáripteýge baǵyttaldy.

Источник: Aisha