JASTAR ISI SEKTORY: «ÁL-ǴANI» MEShITINDE TAZALYQ IS-ShARASY ÓTTI (FOTO)
QMDB-nyń Astana qalasy ókildigine qarasty «Ál-Ǵanı» meshitinde qasıetti juma kúni Jastar isi sektorynyń uıymdastyrýymen meshit aýlasynda tazalyq jumystary júrgizilip, aınala qoqystan tazartyldy.
Bul sharanyń maqsaty – Allanyń úıin taza ustaý arqyly jamaǵatqa úlgi kórsetý, sonymen qatar jastardyń ortaq iske jumylý mádenıetin qalyptastyrý. Sharaǵa qatysqan jastar biri aýla sypyryp, endi biri gúlzarlar men jasyl aımaqtardy rettedi. Árkim qolynan kelgenshe úles qosyp, meshittiń abattanýyna atsalysty.
Islam dininde tazalyqqa aıryqsha mán beriledi. Paıǵambarymyz Muhammed (Oǵan Allanyń salaýaty men sálemi bolsyn) hadısinde: «Tazalyq – ımannyń jartysy» dep beker aıtpaǵan. Bul is-shara – osy ósıettiń naqty kórinisi ispetti.
