JASTAR ISI SEKTORYNYŃ JETEKShISI MEDRESE ShÁKIRTTERIMEN KEZDESTI (FOTO)
Astana qalasy Jastar isi sektorynyń jetekshisi Rahymjan Joldas «Astana» medrese-kolledjiniń shákirtterimen kezdesti. Jıyn barysynda ol jas shákirtterdi jańa oqý jylynyń bastalýymen quttyqtap, bilim jolynda tabys tiledi.
Kezdesýde Rahymjan Joldas jastardyń dinı ári zaıyrly bilimdi qatar meńgerýiniń mańyzyn atap ótti. Ol medrese shákirtterine ýaqytty tıimdi paıdalaný, tártip pen eńbekqorlyqty serik etý, alǵan bilimdi qoǵam ıgiligine jumsaý qajettigin eske saldy.
Sondaı-aq, Rahymjan Joldas shákirtterge jas býynnyń eldiń bolashaǵy úshin jaýapkershiligi joǵary ekenin aıtyp, bilim alýmen qatar, adamgershilik qundylyqtardy da boıǵa sińirýdiń qajettigin jetkizdi. Ol shákirtterdi ózara birlikke, tártip pen tabandylyqqa shaqyryp, árbir jastyń bolashaǵyna senim bildirdi.
Источник: Aidos
