«JASTAR JÁNE QOǴAM» TAQYRYBYNDA SEMINAR ÓTTI

Astana qalasyndaǵy «Kóktal» meshitinde áıel jamaǵatyna «Jastar jáne qoǵam» taqyrybynda taǵylymdy semınar ótti.

Jıynǵa Astana qalasy ókildigi Áıel-qyzdar sektorynyń jetekshisi Kúlsara Mamyrqyzy, «Sádýaqas qajy Ǵylmanı» meshitiniń ustazy Aıgúl Kóksegen, «Kóktal» Meshitiniń ustazy Mýhlısa Ýtegenova  qatysyp, jastarǵa tálim-tárbıelik máni zor nasıhat aıtty.

Ustazdar óz sózderinde jastardy ýaqytty tıimdi paıdalanýǵa, bilim alýǵa, ata-anaǵa qurmet kórsetýge, qoǵamǵa paıdaly azamat bolýǵa úndedi. Sondaı-aq din men dástúr sabaqtastyǵyn saqtap, izgilik pen jaýapkershilik qaǵıdalaryn ómirlik ustanym etý qajettigin atap ótti.

Sondaı-aq, jastardyń qoǵamdaǵy orny, rýhanı-adamgershilik qundylyqtardy dáripteý, bilim men tárbıeniń mańyzy jóninde keńinen sóz qozǵaldy. Qatysýshylar ózderin tolǵandyrǵan suraqtaryn qoıyp, ustazdardan mazmundy jaýaptar aldy.