«Jaıyq-et» qus fabrıkasy sertıfıkat aldy (FOTO)

QMDB Halal ónimderin standarttaý bóliminiń Batys Qazaqstan oblysy boıynsha jaýapty ókili Ashat Asylbekov «Jaıyq-et» qusfabrıkasyna «QMDB Halal» sertıfıkatyn tabystady.

Esterińizge sala keteıik, «Jaıyq et» qus fabrıkasyna «QMDB halal» standart talaptary boıynsha jumysyn sáıkestendirý úshin 2 aı synaq merzimi berilgen bolatyn. Synaq merzimi aıaqtalǵannan keıin, qaıta tekseris júrgizildi.

Tekseris barysynda qustyń ınkýbatorda ósirilýi, qus jemi retinde taza ónimdi qoldaný, «Bısmıllá» aıtyp qolmen baýyzdaý sekildi halal standart talaptarynyń qatań saqtalýy qadaǵalandy. Sonymen qatar, sýly vanna temperatýrasy, konveıerde aınalý uzaqtyǵy, salqyndatqyshta ustaý ýaqyty sekildi jumystardyń oryndalý uzaqtyǵynyń halal standartqa sáıkes kelýi esepteldi.

Sońǵy tekseris oń nátejıeni kórsetkennen keıin ǵana «Jaıyq et» qus fabrıkasyna «QMDB Halal» sertıfıkaty tabystaldy.