Astanada jemqorlyqqa qarsy semınar keńes ótti (FOTO)
Búgin Qoǵamdyq damý mınıstrliginiń Qoǵamdyq kelisim komıtetinde «Dinı Ekstremızmniń aldyn alý jumystaryn uıymdastyrý salasynda zańnama buzýshylyǵyna jol bermeý» taqyrybynda semınar keńes ótkizildi.
Qoǵamdaǵy sybaılas jemqorlyqqa qarsy mádenıet deńgeıin arttyrý jáne dinı Ekstremızmniń aldyn alý jumystaryn uıymdastyrý salasynda zańnama buzýshylyǵyna jol bermeý maqsatynda ótkizilgen semınar keńeske Qoǵamdyq damý mınıstrligi Qoǵamdyq kelisim komıtetiniń memlekettik qyzmetshileri, vedomstvolyq uıymdar, óńirlik din isteri basqarmalary men olardyń ortalyqtary, dinı birlestikter men qoǵamdyq uıymdar ókilderi, sonymen qatar, osy baǵytta jumys jasaıtyn ÚEU músheleri, olardyń ishinde «Terrorızmge qarsy komıtet», «Dintanýshylar kongresi», «Ardagerler uıymy» qoǵamdyq birlestigi, «Arlan» jastar patrıottyq ortalyǵy», «Ulaǵat» qoǵamdyq qory jáne basqalary qatysty.
Semınarǵa spıkerler retinde qatysqan Memlekettik qyzmet isteri jáne sybaılas jemqorlyqqa qarsy is-qımyl agenttiginiń, Bas prokýratýranyń, Qaraǵandy men Pavlodar oblysynyń din isteri jónindegi basqarmalarynyń jáne Qazaqstan Musylmandarynyń Dinı basqarmasy, Qazaqstandaǵy Pravoslav jáne Katolık shirkeýleriniń ókilderi baıandama jasady.
Semınar barysynda memlekettik organdardyń ókilderi Qazaqstan Respýblıkasy zańnamalarynyń buzýshylyqtarynyń aldyn alý jáne osy baǵytta atqarylyp jatqan sharalardyń oń nátıjelerin jetkizdi.
Dinı Ekstremızmniń aldyn alý jónindegi jumysty uıymdastyrý salasyndaǵy quqyq buzýshylyqtardy boldyrmaý maqsatynda qatysýshylarǵa tájirıbege engizilgen tetikter (mehanızmder) týraly atap aıtqanda, monıtorıng, sybaılas jemqorlyq táýekelderin taldaý, standarttar, qarjylyq baqylaý sharalary jáne t.b. boıynsha túsindirmeler berildi.
Óz kezeginde, Dinı qyzmetkerler árbir álemdik jáne dástúrli dinde adamnyń ómirin retteıtin, onyń Etıkalyq standarttaryn kórsetetin nusqaýlar bar ekenin jáne de olar ártúrli bolsa da, olardyń jalpy maǵynasy - jemqorlyqtan bas tartý ekenin atap kórsetti.
Jalpy semınar barysynda qatysýshylar dinı Ekstremızmniń aldyn alý jónindegi jumysty uıymdastyrý salasyndaǵy zań buzýshylyqtyń aldyn alý jáne jolyn kesý boıynsha ashyq dıalog júrgizip, nátıjeli pikir almasty.
