Jeti balanyń anasyna kásipker jańa páter syılady
Aqmolalyq jeti balanyń anasyna Jandar Sadyqov esimdi kásipker Tselınograd aýdanynan páter syılady, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
«Qarabaevtar otbasyn jańa páter alýymen quttyqtaımyn. Jańa baspanalary otbasyna baqyt jáne qut ákelsin! Shynymdy aıtsam, men úshin bul kúnderi ońaı bolǵan joq. Degenmen, atalmysh otbasyna qýanysh syılaı aldym dep oılaımyn», - dedi Jandar Sadyqov. Kásipker Qarabaevtar otbasyna Qosshy selolyq okrýgindegi «Shokolad» turǵyn úı kesheninen jańa páterdiń kiltin tapsyrdy. Jandar Sadyqov atalmysh páterde jóndeý jumystaryn júrgizetinin, sondaı-aq, #jaqsylyq Estafetasy jobasy sheńberinde ózge muqtaj otbasylaryna syı jasaıtynyn atap ótti.
