JUMA NAMAZYNAN SOŃ JAMAǴATQA «PÁTÝA SAǴATY» JÚRGIZILDI (FOTO)

Astana qalasyndaǵy «Áziret Sultan» meshitinde qasıetti juma kúnderi turaqty túrde ótkizilip kele jatqan «Pátýa saǵatynyń» búgingi májilisi Ramazan aıyna arnaldy. «Áziret Sultan» meshitiniń naıb ımamy, Astana ókildigi boıynsha pátýaǵa jaýapty maman Ibraev Tamırlan Darhanuly jamaǵat suraqtaryna jýap qaıtaryp, oraza týraly kóptegen paıdaly aqparattar aıtty.

Aıta keteıik, «Áziret Sultan» meshitinde «Pátýa saǵaty» buǵan deıin birneshe márte eki tilde qatar uıymdastyrylyp, jaýapty qyzmetkerler jamaǵatqa QMDB Sharıǵat jáne pátýa bólimi shyǵarǵan pátýalar men úkimderdi tanystyryp keledi. Qasıetti Ramazan aıy bastalǵaly «Pátýa saǵatynyń» negizgi taqyryby orazaǵa baılanysty bolyp keledi.