Jumaǵa jıylǵan jamaǵatqa arnaıy rolık kórsetildi (FOTO+VIDEO)

Keshe, qasıetti juma kúni Astana qalasyndaǵy úsh qulshylyq ordasynda «Din atyn jamylǵan jat aǵymdar» taqyrybynda ýaǵyz aıtylyp, sońynan soqyr senim jetegimen Sırııa jerine attanǵandar jóninde arnaıy beınerolık kórsetildi. Atap aıtqanda, respýblıkalyq «Áziret Sultan» meshiti, «Nur Astana» jáne «S.Ǵylmanı» meshitterinde arnaıy Ekrandar arqyly jaqynda ǵana Elbasymyzdyń tikeleı tapsyrmasymen Sırııa jerinen qaıtarylǵan otandastarymyzdyń biri Zýhra Kenjebaevanyń ókinishke toly suhbatynan úzindi berildi.

QMDB tóraǵasynyń birinshi orynbasary, naıb múftı Naýryzbaı qajy Taǵanulynyń bastamasymen júzege asyrylǵan tyń jobany meshit jamaǵattary qyzý qoldap, jat aǵymdar jaıyndaǵy osyndaı aqparattardyń halyq arasynda keńinen nasıhattalyp, adasýshylyqtyń aldyn alýǵa septigin tıgizetinin aıtyp jatty.

Jat jerden jumaq izdep jańylysqan qandastarymyzdyń Sham jerinde qandaı qaıǵy-qasiretke ushyraǵanynan habardar etip, áli de bolsa teris aǵymdardyń shyrmaýyna aldanyp júrgen baýyrlaryna eskertýge úndegen qazaq qyzynyń jan syry jamaǵatqa erekshe áser etti.

Sýretterdi «FOTOGALEREIa» aıdarynan kóre alasyzdar!