JYLDYQ ESEP–2025: DIN MEN DÁSTÚR BAǴYTY BOIYNShA 15 321 IS-ShARA UIYMDASTYRYLDY
2025 jyly Qazaqstan musylmandary dinı basqarmasy «Din men dástúr» baǵyty aıasynda júıeli jumys júrgizip, respýblıka kóleminde 15 321 is-shara uıymdastyrdy. Atalǵan is-sharalarǵa 900 580 adam qamtyldy.
Jyl boıy atqarylǵan jumystar din men dástúr sabaqtastyǵyn dáripteýge, otbasylyq qundylyqtardy nyǵaıtýǵa jáne rýhanı-aǵartýshylyq baǵyttaǵy bastamalardy keńinen júzege asyrýǵa arnaldy. «Islam jáne otbasy qundylyǵy» jyly aıasynda ǵylymı-praktıkalyq konferentsııalar, tárbıelik semınarlar, rýhanı-mádenı jıyndar, baıqaýlar men kezdesýler turaqty túrde ótkizildi.
Qasıetti Ramazan aıynda el aýmaǵynda jáne sheteldegi qazaq stýdentterine arnalǵan aýyzasharlar uıymdastyrylyp, jamaǵatqa qolaıly jaǵdaı jasaldy. Sondaı-aq aqsaqaldar ınstıtýtyn nyǵaıtý maqsatynda bata berý dástúrin jańǵyrtýǵa baǵyttalǵan respýblıkalyq baıqaýlar ótti. «Ihsan – rýhanı tárbıe mektebi» taqyrybyndaǵy ǵylymı-tájirıbelik konferentsııalar arqyly rýhanı kemeldený máseleleri keńinen nasıhattaldy.
Otbasylyq qundylyqtardy dáripteý baǵytynda «Atalar mektebi», «Ájeler mektebi», «Áke – otbasy tiregi» jobalary aıasynda óńirlerde tárbıelik kezdesýler uıymdastyryldy. Áıel jamaǵatyna arnalǵan semınarlar men keńes berý ortalyqtarynyń jumysy jandandy.
