JYLDYQ ESEP–2025: DINI OQÝ-AǴARTÝ BAǴYTY BOIYNShA ATQARYLǴAN JUMYSTAR

Búginde Qazaqstan musylmandary dinı basqarmasyna qarasty din mamandaryn daıarlaıtyn Nur-Múbarak Egıpet ıslam mádenıeti ýnıversıteti, Hýsamýddın as-Syǵanaqı atyndaǵy respýblıkalyq ıslam ınstıtýty, 9 medrese-kolledj jáne 11 qarılardy daıarlaý ortalyǵy turaqty túrde jumys istep keledi.

Qazirgi tańda «Nur-Múbarak» Egıpet ıslam mádenıeti ýnıversıtetinde 3005 stýdent bilim alýda. Onyń ishinde: bakalavrıatta – 2851 stýdent, magıstratýrada – 113 stýdent, doktorantýrada – 41 stýdent.Ýnıversıtette jalpy 152 oqytýshy qyzmet atqarady, onyń 20-sy – sheteldik professor-oqytýshylar.

«Hýsamýddın as-Syǵanaqı» atyndaǵy ıslam ınstıtýtynda búginde 51 shákirt bilim alýda. Oqý merzimi – 3 jyl. 2025 jyly 14 shákirt «Islam bilimderi» mamandyǵy boıynsha oqýyn támamdap, barlyǵy qyzmetke ornalasty. Instıtýtta Mysyr jáne Túrkııa elderinen kelgen professor-oqytýshylar dáris beredi.

Elimizdegi 9 medrese-kolledjde barlyǵy 2600 stýdent oqıdy. Onyń ishinde:1478 ul bala, 1122 qyz bala.2025 jyly 461 túlek medrese-kolledjderdi aıaqtady.Aǵymdaǵy jyldyń sáýir aıynda Astana qalasynda medrese shákirtteri arasynda dinı pánder boıynsha medresearalyq olımpıada uıymdastyrylyp, oǵan barlyq medreseden 36 stýdent qatysyp, baq synady.

Quran jattaý ortalyqtarynda qazirgi tańda 845 qarı bilim alýda.Bıyl 59 qazaqstandyq qarı Quran Kárimdi tolyq jattap shyqty.Sonymen qatar, 31 qarı «Hýsamýddın as-Syǵanaqı» ıslam ınstıtýtynyń Astana jáne Almaty qalalaryndaǵy Quran ıjazasy ortalyqtarynda bilim alyp, túrli qyraǵattar boıynsha arnaıy ıjazaǵa ıe boldy.

Meshitter janyndaǵy dinı saýat ashý kýrstarynda Quran oqý jáne namaz úırený boıynsha turaqty sabaqtar júrgizildi. Jaz mezgilinde meshitterde mektep oqýshylaryna arnalǵan «Imanı jaz» jazǵy dinı saýat ashý kýrstary uıymdastyrylyp, oǵan 36 620 bala qatysty. Sabaqtar barysynda «Imandylyq álippesi» jáne «Azbýka very» kitapshalary paıdalanyldy.Sonymen qatar, meshitter janynan ashylǵan Braıl kýrstarynda, sondaı-aq «Nur-Múbarak» ýnıversıtetinde búginde 339 adam (172 er adam, 167 áıel adam) Quran oqýdy úırenýde.Dinı saýat ashý kýrstarynyń tálimgerleri arasynda Quran, hadıs jáne ıslam tarıhy pánderi boıynsha 1471 saıys ótkizilip, oǵan 10 745 adam qatysty.

Meshit ımamdary men moldalary úshin Quran, hadıstaný, fıqh ádisnamasy pánderi jáne QMDB-nyń kontseptýaldy qujattary boıynsha arnaıy semınarlar uıymdastyryldy. Almaty qalasynda ornalasqan Respýblıkalyq ımamdardyń bilimin jetildirý ınstıtýtynda 167 ımam biliktiligin arttyrdy.

Imamdardyń bilimin jetildirý kýrsynyń «S» sanaty boıynsha oqý baǵdarlamasy bekitildi. Baǵdarlamaǵa sáıkes:Qurannan jarty para (Shámstan – Nás súresine deıin) qaıtalaý,«Islam ǵıbadaty», «Din máseleleri jaıynda qyryq hadıs» kitaptaryn oqý qarastyrylǵan. Atalǵan kýrsqa 1389 dinı qyzmetker qatysyp, onyń 1020-sy kýrsty tolyq meńgerip, arnaıy sertıfıkatqa ıe boldy.

14 dinı qyzmetker Mysyr Arab Respýblıkasynyń Kaır qalasynda ornalasqan Ál-Azhar ýnıversıteti janyndaǵy Halyqaralyq ıslam zertteý akademııasynda bilim alyp qaıtty.Oqý baǵdarlamasy úsh kezeńge josparlanǵan, ár kezeńniń uzaqtyǵy – eki aı. Baǵdarlama aıasynda elimizdiń barlyq óńirinen iriktelgen 50-ge jýyq din qyzmetkeri kezeń-kezeńimen oqytylatyn bolady.

Qarılar men azanshylardyń dinı bilimi men biliktiligin arttyrý kýrstarynan 316 qarı jáne 360 azanshy ótti.

​