JYLDYQ ESEP–2025: IHSAN JÁNE NASIHAT BAǴYTY BOIYNShA 7 371 ÝAǴYZ-NASIHAT JARIIaLANDY
2025 jyly Qazaqstan musylmandary dinı basqarmasy Ihsan jáne nasıhat baǵyty boıynsha áleýmettik jeliler arqyly ýaǵyz-nasıhat jumystaryn júıeli túrde júrgizip, sondaı-aq óńirlerde semınarlar uıymdastyrdy. Bekitilgen jospar aıasynda atqarylǵan jumystar qoǵamda rýhanı tárbıe men ımandylyq qundylyqtaryn nyǵaıtýǵa baǵyttaldy.
Jamaǵatty zııandy ádetterden saqtandyrý jáne rýhanı tárbıeni kúsheıtý maqsatynda úsh negizgi taqyryp aıasynda beıne ýaǵyzdar ázirlenip, keńinen taratyldy. «Qoǵam dertteri» taqyryby boıynsha ishimdik, nashaqorlyq, qumar oıyn, zınaqorlyq jáne ózge de zııandy ádetterdiń saldaryna arnalǵan 2 263 ýaǵyz-nasıhat jarııalanyp, 11 514 644 qaralymǵa jetti. «Júrek dertteri» baǵyty aıasynda nıet tazalyǵy men rýhanı kemeldený máselelerin qamtyǵan 2 517 beıne ýaǵyz jarııalanyp, 5 219 027 qaralym tirkeldi. «Nápsi tárbıesi» taqyrybynda ózin-ózi tárbıeleý, sabyr men taqýalyqqa qatysty 2 634 ýaǵyz-nasıhat jarııalanyp, 5 999 489 qaralym jınaldy. Jalpy áleýmettik jelilerde 7 371 ýaǵyz-nasıhat jarııalanyp, olardyń jıyntyq qaralymy 22 733 160-ty qurady.
Sonymen qatar ımamdardyń biliktiligin arttyrý jáne jas otbasylarǵa rýhanı-tanymdyq qoldaý kórsetý maqsatynda óńirlerde birqatar semınarlar ótkizildi. «Ihsan – rýhanı tárbıe negizi» taqyrybynda óńir ımamdaryna arnalǵan 192 semınar uıymdastyrylyp, 8 193 adam qamtyldy. Ýaǵyz júrgizý mádenıetin jetildirýge baǵyttalǵan 176 semınarǵa 4 132 adam qatysyp, al «Islam jáne otbasy» baǵyty boıynsha jas otbasylarǵa arnalǵan 226 semınar ótkizilip, 12 472 adam qamtyldy. Jalpy semınarlar sany 594, qatysýshylar sany 24 797 boldy.
