JYLDYQ ESEP–2025: JAT DINI AǴYMDARDAN SAQTANDYRÝ BAǴYTY BOIYNShA 2893 AQPARATTYQ-TÚSINDIRÝ JUMYSTARY JÚRGIZILDI
Bıylǵy jyly «Jat dinı aǵymdardan» saqtandyrý baǵyty boıynsha qoǵamda dinı turaqtylyqty saqtaý, dástúrli ıslam qundylyqtaryn nasıhattaý jáne halyqtyń, ásirese jastardyń dinı saýattylyǵyn arttyrý maqsatynda birqatar júıeli is-sharalar atqaryldy.
Atap aıtqanda, jat aǵym jaqtastary kóp shoǵyrlanǵan, ıaǵnı kúndelikti besin jáne quptan namazyna qatysýshylardyń 30 paıyzynan artyǵy destrýktıvti dinı baǵyttardy ustanatyn azamattardy quraıtyn meshitter naqtylanyp, naqty tapsyrmalar berildi. Profılaktıkalyq baǵytta atalǵan meshitterde sharıǵı talas-tartys máselelerin túsindirý boıynsha JANT jáne RANT áleýeti keń túrde qoldanyldy. Eseptik merzimde elimiz boıynsha Dinı ońaltý mamandaryna arnap Qazaqstan úshin 150 meshitte 2893 aqparattyq-túsindirý sharasy ótti. Atalǵan túsindirý jumystary jat aǵym jaqtastarynyń qulshylyqqa qatysatyn ýaqytynda, ıaǵnı besin nemese quptan namazdaryn aldynda aıtyldy
Kelesi mańyzdy bastama – sportshylar arasynda destrýktıvti jáne radıkaldy ıdeıalardyń taralýyn aldyn-alý. Atalǵan baǵyttaǵy is-sharalardy tıimdi júzege asyrý maqsatynda Týrızm jáne sport mınıstrliginiń Sport jáne dene shynyqtyrý isteri komıtetimen tyǵyz baılanys ornatyldy. QMDB qyzmetkerleri ýákiletti memlekettik mekemeler tarapynan uıymdastyrylǵan 196 is-sharaǵa qatysyp, 2689 adamǵa jat aǵymdardyń zardaptary jaıly aqparat jetkizdi.
Dástúrli emes jat dinı aǵymdardyń adasýshylyq sıpattaryn ashatyn Taýhıd – bir bútin senim – Taýhıd – nedelımaıa vera kitapshasy jáne jat aǵym jaqtastarymen ońaltý jumys jasaý erekshelikterin kórsetetin «Deradıkalızatsııa ı teologıcheskaıa reabılıtatsııa v sısteme profılaktıkı relıgıoznogo Ekstremızma v Kazahstane» ádistemelik quraly tolyq ázirlendi.
Jyldyq josparǵa sáıkes dinı ońaltý mamandarynyń kásibı biliktilikterin arttyrý maqsatynda Respýblıkalyq deńgeıde 2 semınar ótti.
Jat dinı aǵymdardyń anyqtamasy men qatelikterin halyqqa jetkizý maqsatynda Shańyraq jobasy aıasynda jáne ókildikter tarapynan jalpy 256 materıal jaryqqa shyqty.
Múftııattyń arnaıy josparyna saı Qazaqstan úshin dástúrli emes jáne jat dinı aǵymdardyń destrýktıvti tustary men zııandylyǵyn qoǵamǵa ashyp kórsetý maqsatynda bekitilgen keste boıynsha QMDB ókildikteri tarapynan «Munara» gazetiniń «Shyrmaýyq» aıdaryna maqala daıyndap berý tapsyrylǵan bolatyn. Búginge deıin gazet betterinde 24 maqala jaryq kórdi. Sonymen qosa, alǵashqy ret Iman jýrnalynyń bir sany Jat dinı aǵymdardan saqtandyrý taqyrybyna arnaldy.
Jazasyn ótep jatqan azamattarǵa, olardyń otbasy múshelerine, Jýsan operatsııasy aıasynda elge oralǵan azamatshalarǵa jáne DDA jaqtastaryna jalpy 1989 adamǵa qaıyrymdylyq aktsııalary kezinde túrli formatta kómekter berildi.
Kórsetilgen qaıyrymdylyq kómek túrleri:
1- Azyq-túlik;
2- Dári-dármek;
3- Kıim-keshek;
4- Balalarǵa arnalǵan oqý quraldary;
Qylmystyq-atqarý júıesi mekemelerinde jazasyn ótep jatqan azamattarǵa durys dinı maǵlumattardy jetkizip, dástúrli dinı qundylyqtardy qalyptastyrý maqsatynda 50 mekemege 2145 dana kitap aparyldy.
