«JYLJYMALY PÁTER» ASTANADAN JOLǴA ShYQTY (FOTO)

QMDB «Zeket jáne qaıyrymdylyq» qory mamandary Astana qalasy ókildigi din qyzmetkerlerimen birge sý tasqynynan zardap shekken Soltústik Qazaqstan oblysyndaǵy bir otbasyǵa tez qurastyrylatyn «jyljymaly páterdi» tegin syılaý maqsatynda úlken júk kóligimen jolǵa shyqty.

Esterińizde bolsa, ótken jyly Bas múftı Naýryzbaı qajy Taǵanuly «Zeket jáne qaıyrymdylyq» qorynyń tez qurastyrylmaly baspana jobasymen tanysqan bolatyn. Joba maqsaty – túrli sebeptermen úısiz qalǵan otbasylardy qoldaý maqsatynda olardy ýaqytsha baspanamen qamtamasyz etý. QMDB Tóraǵasy «Zeket jáne qaıyrymdylyq» qorynyń atalmysh jobasyna sáttilik tilep, ıgi iske atsalysqan azamattarǵa rızashylyǵyn jetkizgen. Mine, sol joba jemisin berip, paıdasyn tıgizetin ýaqyt ta kelgen eken.

Jyljymaly páterdi «Áziret Sultan» meshitiniń janynan Astana qalasynyń bas ımamy Erbolat Nuroldauly men «Zeket jáne qaıyrymdylyq» qorynyń dırektory Maqsatbek Maqsotuly duǵa etip shyǵaryp saldy.

Aıta keteıik, qordyń uıymdastyrýymen buǵan deıin Soltústik Qazaqstan oblysyna 7 fýra, 11 gazel gýmanıtarlyq kómek pen 7 qaıyq jóneltilip, 1 500 000 teńge qarjylaı kómek jasalǵan bolatyn.

​