Erejep aıyndaǵy oraza jaıly ne bilemiz?

Erejep aıy qandaı aı?

Ответ

Eń áýeli Erejep aıy – keshirim men raqym aıy. Ramazannyń jarshysy bolyp tabylatyn bul aıda musylman balasy ramazan aıyndaǵy rýhanı tazalyqqa daıarlyq jasaıdy.

Erejep aıyndaǵy orazaǵa keler bolsaq, ımam Án-Naýaýı «Sharh Sahıh ál-Mýslım» eńbeginde:

«Erejep aıyndaǵy orazaǵa úzildi-kesildi tıym salynǵan, ıa bolmasa dál sol orazany ustaǵan abzal degen sheshim joq. Alaıda bul aıdaǵy orazany ustaǵan abzal deýge negiz bar» deıdi.

Ary qaraı ol bylaı dep jazady: «Ábý Dáýittiń «Sýnanynda» Alla Elshisiniń tıym salynǵan aılarda oraza ustaýǵa shaqyrǵandyǵy aıtylady. Al Erejep bolsa sol aılardyń biri bolyp tabylady».

Osy máselege qatysty ımam Hatıb ásh-Shırbını «Mýǵnı ál-Mýhtaj» atty eńbeginde: «Ramazan aıynan keıingi oraza tutylatyn eń jaqsy aılar tıym salynǵan aılar bolyp tabylady. Sonyń ishindegi eń jaqsysy – Muharram aıy. Sebebi ımam Mýslım keltirgen hadıste Ramazannan keıin Allanyń aıy Muharramdaǵy orazanyń abzaldyǵy aıtylǵan. Odan keıin Erejep aıy turady, bul kózqaras Erejep aıyn tıym salynǵan aılardyń abzaly dep sanaıtyn ǵalymdarǵa qaıshy kelmeý úshin aıtylady.

Erejep aıyndaǵy orazaǵa qatysy Ibn Omar, Ibn Abbas, Ánas, Saıd ıbn Jýbaırlar bul aıdy Ramazan aıyna uqsatyp jibermes úshin birneshe kúndi ortaǵa salyp baryp oraza tutýdy qup kórgen.

Imam Ahmad: «Erejep aıynda bir nemese eki kún oraza tutpańdar»,- degen. Iaǵnı, ımam Ahmadtyń Erejep aıynda kóbirek oraza ustaǵandy qoldaıtynyn ańǵaramyz.

Al Erjep aıyna oraza tutýdy dinge engen jańashyldyq (bıdǵat) degenge keletin bolsaq, Ibn Hajar ál-Haıtamı «Fath ál-Mýbın» atty eńbeginde «Erjep aıyndaǵy oraza jaıly ony jańashyldyq (bıdǵat) degen pikirler bar, alaıda bul qate. Kerisinshe, osy aıdaǵy oraza súnnet amal bolyp tabylady, bul jaıly «Ál Fataýa ál-Kýbra» eńbegimde tolyqtaı jazyp ketkenmin», -deıdi.

Joǵaryda keltirilgen kózqarastardan Erejep aıyndaǵy oraza úlken saýapqa qaýyshtyrar amal bolyp tabylatynyn ańǵaramyz.

Автор: muftyat.kz