«Qurandy basyp, nandy alýǵa bolady» degen ras pa?

28 qyrkúıek 2018 539 0
Оqý rejımi

Assalam aleıkým. Qoly nanǵa jetpese, Qurandy basyp shyǵýǵa bolady degen sózdi kóp estidik. Bul sóz durys sóz be?


Ответ

Ýa aleıkým assalam. Rasynda da bul sóz halyq arasynda kóp aıtylady. Tyńdaýshy adam sóıleýshi adamnyń sózinen Quranǵa degen qurmetsizdik esip tur dep oılaýy múmkin. Alaıda, bul sózdiń túp tórkinine bajaılaı bermeımiz.

Keıbir Shafıǵı mázhabynyń ǵalymdaryna: «Eger bireý azyqqa zárý bolyp, astyna Qurandy qoımasa, oǵan qoly jetpeıtindeı jaǵdaıǵa tap bolsa, onda ol ne isteıdi», – dep suraq qoıylǵan eken. Sonda olar: «jalpy jaıyz»,[1]– dep jaýap bergen eken.

Imam Ibn Abıdın bul máseleni tolyqtyryp: «Bunyń sebebi – jandy saqtaý, meıli ol adamnyń janynan ózge jan bolsa da, ol qashan da alǵashqy qatarda turady. Sol úshin de, eger keme aýyrlyqtan sýǵa batqaly jatsa, ishindegi adamdardy saqtaý úshin salmaqty kitaptardy (Quran bolsa da) sýǵa tastaý kerek bolady. Bul tusta Qurandy sýǵa tastaý – amalsyzdyq, Quranǵa qurmetsizdik tanytý emes. Sol sııaqty adam janyn saqtaý úshin putka da sájde qylýy múmkin ǵoı»,[2] – dedi.

Baıqap turǵanyńyzdaı, bul mysaldy fıqh ǵalymdarynyń ózderi de qoldanǵan. Alaıda, olardyń bul qoldanystary rýhty saqtaýdyń mańyzdylyǵyn túsindirý úshin ǵana edi. Áıtpese, árbir qol ushy jetpegen nárse úshin astyna Quran qoısyn degen maǵynada emes. Oǵan qosa praktıkada bul syndy jaǵdaı múldem oryn almaıtyn da shyǵar...

Eń durysy Allaǵa málim

Aıbek Ábdiqadyr
Muslim.kz saıtynyń dinı sarapshysy

 


[1] Ruqsat; bolady
[2] Raddýl-Mýhtar

Tegter: Quran nan
Pіkіrler Kіrý