ISLAMDA MÚShEL JAS BAR MA?

Suraq: Islamda múshel jas degen túsinik bar ma? Múshel jasqa kelgende qurban shalyp, quran oqytý mindet pe?

Ответ

 Jaýap: Múshel jas – qazaq halqynyń adam jasyn esepteý úlgisi. Iaǵnı kóneden kele jatqan qazaqsha jyl sanaý. Jyl sanaý tyshqan, sıyr, barys, qoıan, ulý, jylan, jylqy, qoı, meshin, taýyq, ıt, dońyz dep on eki jyldy quraıdy. Dástúrli qazaq qoǵamynda balanyń 13 jasqa tolýyn alǵashqy músheli dep sanaıdy. Múshel jas ár 12 jyl saıyn eseptelip tolyp otyrady.

1-shi múshel – 13 jas (er jete bastaý);

2-shi múshel – 25 jas (jigittik jas); 3-shi múshel – 37 jas (aqyl toqtatý);

4-shi múshel – 49 jas (orta jas, kemeldený);

 5-shi múshel – 61 jas (orta jas);

 6-shy múshel – 73 jas (qarttyq);

7-shi múshel – 85 jas (kárilik);

8-shi múshel – 97 jas (qaljyraý);

9-shy múshel – 109 jas (shópshek súıý);

Dástúrli ıslam boıynsha múshel jaspen esepteý sharıǵatqa qaıshy emes. Ádette múshel jasqa tolǵan adam baǵaly zattaryn syıǵa tartý kerek, biraq sharıǵatta syılyq bermeseń, qaýip-qater keledi degen túsinik joq. Allaǵa shúkirshilik etip, ómirimizdi uzartýyn tilep, basqa da apattardan saqtasyn degen maqsatta sadaqa bergenniń oqasy joq. Musylmannyń bergen sadaqasy ómirin uzartyp, jamandyqtan qaıtarady. Al mal soıǵannen keıin nemese kúndelikti astan keıin, Fatıha súresinen keıin biletin qysqa súreler men aıattardy oqyp duǵa jasaýǵa bolady.

Ikram AITAEV

Автор: Қожанов Қасым