ÚLKEN KÚNÁ JASAǴAN ADAM DINNEN ShYǴA MA?

Suraq: Úlken kúná jasaǵan adam dinnen shyǵa ma?

Ответ

Jaýap: «Úlken kúná» dep aty aıtyp turǵandaı, buǵan óz-ózine qol jumsaý, ishimdik ishý, namazdy tastap ketý, zına jasaý jáne sol sııaqty t.b. aýyr kúnálar jatady.

Jalpy musylman adam kúnáni úlken-kishi dep bólmeı, onyń qandaı túrinen bolsa da múmkindiginshe saqtanýy mindetti. Alaıda, eger adam pendelik etip úlken kúnániń birin jasap qoısa, onda áhlı sýnna ýá ál-jamaǵanyń kózqarasy boıynsha, bul kúpirlikke jatpaıdy. Iaǵnı, adam kálıma taýhıdti aıtyp (Allany bar jáne Ony bir dep júregimen qabyldap, tilimen ıqrar etip), Islamnyń barlyq úkimderin qabyl alǵan bolsa, kápir bolmaıdy, biraq kúnáhar sanalady.

Ondaı adamdy kápir dep aıtýǵa eshkimniń aqysy joq. Óıtkeni ol Allanyń adal etken nársesin aram, aram qylǵan nársesin adal dep dinge kúpirlik qylmady. Ol adam dindi barlyq sharttarymen, ústinderimen qabyldap, moıyndap otyr.

Onyń kinási – kúná jasaýy. Sol sebepti ol kúná jasaǵany úshin kúnáhar musylman bolyp qalmaq. Musylman adam óziniń kúnásyna sáıkes azabyn tartyp, keıin Alla qalasa marapatqa ıe bolady. Qalasa Alla Ózi keshirip, tikeleı jánnatqa kirgizýi de múmkin.

Degenmen, kúná jasaǵan adam ol nárseni qaıtalamaıtyndaı shynaıy táýbe etýi tıis.

Jalǵas SADÝAHASULY

 

Автор: Қожанов Қасым