Sájdede belim ashylyp qalsa, namazym buzyla ma?

05 qarasha 2018 299 0
Оqý rejımi

Assalaýmaleıkým! Namazda jeńil kıim kıgen soń, sájdege barǵan kezde bel jaǵymyz ashylyp jatady. Osy kezde namazǵa qandaı da bir nuqsan keledi me? Rahmet! Nursultan


Ответ

Ýaǵaleıkýmsalam, Nursultan! Eń áýeli mynany bilý kerek: Er kisilerdiń uıatty (áýret) jerlerine Hanafı mázhaby boıynsha kindik pen tize aralyǵy jatady. Kindiktiń ózi áýret bop eseptelmeıdi, al tize – áýret[1]. Namazda áýret jerleri jabyq bolýy tıis.

Er kisiniń namazda kindik pen tize arasyndaǵy ornalasqan ár aǵzasynyń tórtten birinen kóbi ashylsa, namazy buzylady. Dálirek aıtqanda, kindik pen qasaǵa túgi arasy (aınala eseptegende) óz aldyna bir aǵza. Tize men san ekeýi óz aldyna bir aǵza t.b.[2]  Ashylyp qalǵan áýret jeri bir rúkún boıy, ıaǵnı úsh táspıh ýaqyt boıy jabylmaǵan bolsa, namazy buzylady[3].

Kindikten tómengi jaǵy dep, onyń tómengi tusynan eseptegende artqy jaǵy da (bel tusy) aınala qamtylady[4]. Osyǵan sáıkes adamnyń bel[5] tusy da namazda jabylýy tıis jerlerge jatady.

Endeshe, namazda sizdiń belińiz kindik pen qasaǵa túgi arasyndaǵy aralyqty nazarǵa ala otyryp eseptegende, tórtte birinen kóbi ashyq qalsa jáne ony úsh táspıh ýaqyt boıy jaýyp úlgermeseńiz, namazyńyz buzylady. Mysaly, sájdege barǵan kezde belińizdiń tórtten birinen kóbi ashylyp qalsa jáne ony «Súbhana rabbııal alá» dep úsh ret aıtqansha jappaǵan bolsańyz, namazyńyz buzylady.

 


[1] Sarahsı, Mábsýt – 10/145 bet; Maýsýlı, Ál-Ihtııar – 1/148-bet.
Sebebi, Paıǵambarymyz (s.ǵ.s.) bir asyl sózinde: «...Kindikten tómen jáne tizeden joǵarǵy jerge qaramasyn», – deı kele, kindiktiń áýret emestigin bildirse (Ábý Dáýid, Lıbas – 4114), kelesi bir sózinde: «Tize áýretke jatady», – dep, tizeniń áýretke kiretindigin baıan etken. Darýqýtnı – 878.
[2] Fátáýá ál-Hındııa – 1/65 bet.; ál-Bınaıa – 2/132 bet.
[3] Ibn Ǵabıdın, Raddýl Mýhtar – 2/82 bet.
[4] Ibn Ǵabıdın, Raddýl Mýhtar – 2/76 bet.; Bahrýr Raıq – 1/468 bet.
[5] Adam denesiniń arqadan tómen, myqynnan joǵary jińishke tusy.

Pіkіrler Kіrý