DINDEGI «MUǴJIZA» SÓZINIŃ MAǴYNASY QANDAI?
Suraq: Dindegi «muǵjıza» sóziniń maǵynasy qandaı?
Ответ
Jaýap: Muǵjıza – paıǵambarlarǵa tán, Allanyń erekshe kúshimen bolatyn, tabıǵı zańdylyqtarǵa baǵynbaıtyn ǵajaıyp oqıǵasy. Bul adamdardyń aqyly jete bermeıtin, paıǵambarlardyń shynaıylyǵyn dáleldeý úshin kórsetiletin keremet.
Muǵjıza paıǵambarlyqty dáleldeý úshin beriledi. Keremet áýlıe, salıhaly quldarǵa Allanyń syıy retinde beriledi, biraq ol eshqashan muǵjızamen teń bolmaıdy.
Qazirgi tańdaǵy jalǵan paıǵambarsymaqtar, kóripkelder adamdardy aldaý úshin sıqyrdy, jalǵan ıllıýzııany paıdalanyp, tylsym dúnıelermen arbaıdy. Mundaı jalǵanshy áýlıesymaqtardan saq bolǵanymyz abzal.
Paıǵambarlardyń kezindegi muǵjıza derekteri Quran aıattarynda, hadıster men ıslam ǵalymdarynyń eńbekterinde keń baıandalǵan. Mynadaı paıǵambarlardyń muǵjızalaryn atap ótýge bolady. Musanyń (a.s.) Perǵaýynnyń sıqyrshylarymen bolǵan oqıǵasynda Alla Musa paıǵambardyń taıaǵyn úlken aıdahar etip ózgertýi, Isanyń (a.s.) soqyr men alapes aýrýlaryn emdeýi, Ibrahımniń (a.s.) Namrýd padsha Ibrahımdi otqa tastaǵanda janbaýy, Súleımenniń (a.s.) jyndardy baǵyndyrýy men haıýandardyń tilin túsinýi, Nuhtyń (a.s.) topan sý oqıǵasy men keme jasaýy, Muhammedtiń (s.a.ý.) Quran Kárimdi Muǵjıza etip berýi jáne basqa da muǵjızalar Quranda baıandalǵan.
Kazislam.kz
Автор: айтбай арслан
