ADAM QULShYLYQQA QANShA ÝAQYT BÓLGENI DURYS?

ADAM QULShYLYQQA QANShA ÝAQYT BÓLGENI DURYS?

 

Ответ

Jaýap: Alla adamdy jaratyp, ózine qulshylyq etýge buıyrǵan. Negizi Islamnyń paryzdaryn oryndaý kóp ýaqyt almaıdy. Bes ýaqyt namazdy alatyn bolsaq, bir kúnde jıyrma tórt saǵat bar desek, onyń bir saǵaty ǵana namazdyń ýaqytyna ketedi. Sonymen bir jylda on eki aı bar desek, onyń bir aıy ǵana oraza ustaýǵa ketedi. Qalǵan qajylyq pen zeket máselesi adamnyń qarajaty men shamasyna baılanysty. Sondaı-aq, Quran oqý, duǵa jasaý, dinı bilim alý máselesinde adamnyń erki ózinde.

Qulshylyq meshitte ǵana emes, adal eńbek etý, jaqsy is jasaý da ǵıbadat bolyp sanalady. Demek, adam qulshylyqqa qansha ýaqyt bólýi – onyń dinine, nıetine jáne ómir saltyna baılanysty. Al, myna dúnıeni jalǵan dep, asyra dinshildikke barý fanatızmge soqtyrady. Islam asyra dinshildikti qoldamaıdy. Dástúrli Islam ómir men qulshylyq arasynda tepe-teńdikti saqtaýdy mindetteıdi. Qulshylyq amaldarynda orta joldy ustaný qajet eken.

 

Ikram AITAEV
Kazislam.kz

Автор: айтбай арслан