Quran oqylyp jatqanda jumys jasaýǵa bola ma?

11 aqpan 2019 1927 0
Оqý rejımi

Sálemetsizder me. Úlken kisiler Quran oqylsa bolǵany, «jumysty toqtat, otyr!» dep otyrǵyzyp qoıady. Quran oqylǵanda óz sharýańmen aınalysýǵa múldem bolmaǵany ma? Sonymen qatar, telefonda Quran qosylyp turǵanda da jumys isteýge bolmaı ma?  Sh. Áben


Ответ

Sálemetsiz be. Alla Taǵala Quran oqylǵanda ony tyńdaýǵa buıyryp:

وَإِذَا قُرِئَ الْقُرْآنُ فَاسْتَمِعُوا لَهُ وَأَنْصِتُوا لَعَلَّكُمْ تُرْحَمُونَ

«Qashan Quran oqylsa, oǵan qulaq salyp tyńdańdar da úndemeńder. Árıne, márhametke bólenesińder»[1], – deıdi.

Imam Qýrtýbı osy aıatty tápsirleı kele Abdýljabbar ıbn Ahmadtyń «Faýaıdýl-Quran» atty eńbeginen myna úzindini keltirgen: «Múshrikter Quran oqylǵanda ádeıilep, qyrsyǵyp ý-shý shyǵaryp, estimes úshin túrli aılalar jasaıtyn edi. Sol úshin Quranda olar týraly:

وَقالَ الَّذِينَ كَفَرُوا لَا تَسْمَعُوا لِهذَا الْقُرْآنِ وَالْغَوْا فِيهِ لَعَلَّكُمْ تَغْلِبُونَ

«Jáne qarsy kelýshiler: «Bul Qurandy tyńdamańdar, oqylǵanda shýyldańdar. Bálkim, jeńiske ıe bolarsyńdar» desti»[2], – delingen»[3].

Endeshe, bireýler Quran oqyp jatsa nemese telefon syndy qurylǵylarda Quran qosýly tursa, múmkindigimizshe tyńdaýymyz kerek. Alaıda qandaı da bir sharýalarǵa, sebepterge baılanysty Qurandy tyńdaýǵa múmkindik bolmasa, onda onyń aıyby joq. Bul úshin musylmandar bir-birine urysyp, bir-birin renjitýge bolmaıdy.

Eń durysy Allaǵa málim.

Aıbek Ábdiqadyr
Muslim.kz saıtynyń dinı sarapshysy

 

[1] «Aǵraf» súresi, 204-aıat
[2] «Fýssılát» súresi, 26-aıat
[3] Tafsır Qýrtýbı

Pіkіrler Kіrý