Ár qıyndyq kúnániń keshirimi deı alamyz ba?

11 naýryz 2019 1094 0
Оqý rejımi

As sálamý aleıkým! Osy adamdar aýyryp nemese qıyn bir jaǵdaıǵa ushyrap jatsa, janymyzdaǵylar «Allanyń synaǵy ǵoı, Alla Taǵala súıgen quldaryn synaq berip synaıdy» dep jubatyp jatady. Sosyn taǵy estigenim, bizdiń basymyzǵa kelgen árbir qıyndyq kúnámizdiń keshirilýine sebep bolady eken. sol qanshalyqty ras?


Ответ

Ýa aleıkým ássalam! Rasynda, Alla Taǵala adam basyna kelgen ár qıyndyq úshin onyń kúnálaryn keshiredi. Mysalǵa, Ábý Hýraıradan (r.a) jetken hadıste Paıǵambarymyz (s.ǵ.s):

مَا يُصِيبُ المُسْلِمَ مِنْ نَصَبٍ وَلا وَصَبٍ، وَلا هَمٍّ وَلا حَزَنٍ وَلا أَذًى وَلا غَمٍّ، حَتَّى الشَّوْكَةِ يُشَاكُهَا، إِلَّا كَفَّرَ اللهُ بِهَا مِنْ خَطَايَاهُ

«Qaısy bir ıman ıesi aýyrsa, qajysa, ýaıymdasa, kóńilsiz bolsa, zııan kórse, qaıǵy shekse, tipti aıaǵyna tiken kirse-daǵy, Alla oǵan sol arqyly kúnálaryn keshiredi»,[1] – deıdi.

Ánástan (r.a) jetken basqa hadıste Paıǵambarymyz (s.ǵ.s) qyzýy kóterilip aýyryp jatqan bir bádáýı arabqa zııarat etýge kirgende, oǵan aýrýynyń: «Kúnániń keshirilýi men tazalyq»,[2] – degeni aıtylady.

Osy hadısterge súıenip, adamnyń basyna kelgen nendeı qıyndyq bolmasyn ol adamnyń kúnálarynyń keshirilýine sebep bolady deı alamyz. Eń durysyn Alla biledi!

 


[1] Býharı

[2] Ahmad

Tegter: qıyndyq kúná
Pіkіrler Kіrý