Qurandy kindikten tómen ustaýǵa bolmaı ma?

10 maýsym 2019 11486 0
Оqý rejımi

Assalamýaleıkým! Qurandy keýde tustan tómen túsirýge bolmaıdy dep estidim. Qurandy sómkege salyp myqynnyń tusynda ustaýǵa bola ma?


Ответ

Ýa aleıkým assalam! 

Qurandy myqynnyń tusynda ne bolmasa odan tómen jerde sómkege nemese paketke salýǵa ruqsat, bul kúná emes, tek bul Qurandy qurmettemeýden týmasa boldy. Sondaı-aq, ońaı alý úshin, Qurandy ortańǵy nemse tómengi sórege qoıǵanda turǵan esh ábestik joq.

Alaıda ıslam mádenıetinde Qurandy keýde tusta ustaý ári bólmeniń eń bıik jerine qoıý salty taralǵan. Osylaısha adamdar ózderiniń Quranǵa degen qurmetin kórsetedi. 

Árıne, Quranǵa mundaı qurmetpen qaraý adamnyń taqýalyq dárejesin kórsetedi. Osylaı bola tursa da, Quranǵa degen mundaı qurmet dinı buıryq bolyp tabylmaıdy. Mundaı qarym-qatynasty kelesi aıatta kórsetilgen amalǵa saı dep baǵalaýǵa bolady: «Mine osy. Kim Allanyń belgilerin ulyqtasa; kúdiksiz ol, júrektiń taqýalyǵynan» (22:32). Alaıda Quranǵa mundaı qurmet kórsetpeıtinderdi, Quranǵa qurmet kórsetpediń dep aıyptaýǵa bolmaıdy. 

Sózsiz, Quranǵa qurmetpen qaraý kerek. Alaıda Quranǵa qurmet kórsetý — ony bıikke qoıý nemese keýde tusta ustaýmen ǵana shektelmeý qajet.  Qurandy oqý, Alla Taǵalanyń aıtqandaryn túsiný, buıyrǵandaryn oryndap, al tyıǵandarynan tyıylý — Quranǵa degen shynaıy qurmet bolyp tabylady. 

Eger biz osynyń bárin jasap júrsek, onda Quranǵa laıyqty túrde qurmet kórsetýdemiz dep aıtýǵa bolady.

Tegter: Quran qurmet
Pіkіrler Kіrý