Namaz oqyp turyp jylasa, namaz buzyla ma?

12 qarasha 2019 1366 0
Оqý rejımi

Ássálámýǵaleıkým! Namazda kishkene jylasa, namaz buzylmaı ma?  


Ответ

Ýaǵaleıkýmássálám ýá rahmatýllahı ýá bárakátýh!

Aqyretti oılap, nemese qabir azabyn ıakı peıish pen tozaqty oılap jylasa, ne bolmasa ımamnyń quran oqýynan áserlenip jylaǵan bolsa, namazy buzylmaıdy. Paıǵambarymyzdyń da (s.ǵ.s.) namazda jylaıtyn kezderi bolǵan[1].   

Alaıda, basqa túsken qıyndyqqa qaıǵyryp, ne boıyndaǵy syrqatty aýyrsynyp, ıakı bireýge qatty renjip, nemese bireýdi saǵynyp dybys shyǵara jylaǵan jaǵdaıda, namazy buzylady. Al, únsiz, qur kózinen jas shyqsa, oǵan namaz buzylmaıdy.

Sondaı-aq, syrqattyń aýyrlyǵynan óz-ózin ustaı almaı yńyrsýynyń ne úhileýiniń namazǵa zııany joq. Imam Muhammed (r.a.) aıtqan: «Jeńil-jelpi syrqat sebepti namazda yńyrsyǵan adamnyń namazy buzylady. Al, syrqaty aýyr bolǵandyqtan jany kúızelip, óz-ózin ustaı almaı yńyrsyp, yńyransa, namaz buzylmaıdy»[2].

 


[1] Hadıste bylaı delinedi: «Men Paıǵambarymyzǵa kelsem, ol namaz oqyp jatyr eken. Ishinde qaınaǵan sýdyń daýsy ispetti eńkil bar». (Násáıdiń súnáni, №1214 hadıs).
[2] Hashııatý Ibn Ǵabıdın – 4/68 bet.  

Abdýsamat Qasym

Pіkіrler Kіrý