Jol erejesin buzý sharıǵatqa qaıshy ma?

27 qańtar 2020 7655 0
Оqý rejımi

Suraq: Baǵdarshamnyń qyzyl túsinen ótip ketý sharıǵatqa qaıshy ma? Jol erejesin buzý sharıǵatqa qaıshy ma?


Ответ

Adam janyn saqtaý – sharıǵattyń eń basty maqsattarynyń biri. Sondyqtan pendeniń óz ómirine qastandyq oılaýyna áste bolmaıdy. Asyl dinimizde jandy saqtaý jaıynda biraz úkimder bar. Mysaly, adam balasyna ózderin óz qoldarymen apatqa ushyratýǵa tyıym salynady.

Ol jóninde Alla Taǵala Quranda: «Ózderińdi óz qoldaryńmen qaýip-qaterge salmańdar»[1], - dep buıyrǵan.

Sondaı-aq, jazyqsyz adamdy óltirý haram etilgen. Alla Taǵala Quranda bylaı deıdi: «Al kim bir múmindi qasaqana óltirse, onyń jazasy – jáhannamda máńgilikke qalý. Ári oǵan Alla ashýlanady, qarǵys aıtady jáne óte zor azap ázirleıdi»[2].  

Paıǵambarymyz (oǵan Allanyń salaýaty men sálemi bolsyn): «Rasynda, senderdiń qandaryń, mal-múlikteriń jáne ar-namystaryń bir-birińe qasterli (qol suǵýǵa tyıym salyndy)»[3], – degen.

Jolda júrý erejesiniń zańynda baǵdarshamnyń qyzyl túsiniń janýy joldan ótpeýdi mindetteıdi. Eger ótip ketse, onda ol jol erejesin buzǵan bolyp sanalady da jaýapqa tartylady. Bul ereje sharıǵatymyzǵa qaıshy emes. Kerisinshe ol jandy, mal-múlikti saqtaýǵa úlesin qosady. Mundaı erejeni buzýdyń saldarynan jol apaty oryn alyp, tipti, adamdardyń ómiri qıylyp jatady. Sondyqtan jol erejesin saqtaý sharıǵı turǵydan ýájip sanalady.

Osyǵan oraı, baǵdarshamnyń qyzyl túsinen ótip ketýge tyıym salynady. Óıtkeni erejeni saqtamaǵannyń saldarynan adamdar úlken zııanǵa ushyraıdy. Paıǵambarymyz (oǵan Allanyń salaýaty men sálemi bolsyn): «Islamda ózine de ózgege de zııan berýge bolmaıdy»[4], - degen. Oǵan qosa, bul qoǵamda tártipsizdiktiń jaıylýyna alyp barady. Sondyqtan árbir adam ózderiniń jáne ózgelerdiń janyn saqtaý úshin jol erejelerine baǵyný tıis.  

 


[1] «Baqara» súresi, 195-aıat
[2] «Nısa» súresi, 93-aıat
[3] Mýslım
[4] Ibn Mája

Pіkіrler Kіrý