Sháýýal aıynyń alty kúndik orazasy

23 mamyr 2020 685 0
Оqý rejımi

Assalaýmaǵaleıkým!

Bıylǵy jyly birinshi ret oraza ustaǵan edim. Sizderden suraıyn degenim, ramazan bitken soń da oraza ustap, saýap alýǵa bolady deıdi. Sol jaıly aıtyp berseńizder! Aıqyn.  


Ответ

Ýaǵaleıkýmassalam!

Bul orazany sol aıdyń ishinde kez kelgen kúni úzbeı birinen keıin birin nemese úzip-úzip ustaýǵa bolady. Biraq aıttyń artynsha kezekpen dereý bárin ustaǵan abzal. Paıǵambarymyz (s.ǵ.s.):

من صام رمضان ثم أتبعه ستا من شوال كان كصيام الدهر

«Kimde-kim Ramazandy orazamen ótkizip, budan keıingi Sháýýál aıynda alty kún oraza ustasa, jyl boıy oraza ustaǵanmen birdeı»,[1] – deıdi.  Bul oraza saýabynyń bir jylǵa para-par kelýin bylaısha túsinýge bolady. Alla Taǵala Quran Kárimde:

مَن جَاءَ بِالْحَسَنَةِ فَلَهُ عَشْرُ أَمْثَالِهَا 

«Kimde-kim bir jaqsylyq jasasa, oǵan onyń on ese qarymy beriledi»,[2] – degen. Ǵalymdar Sháýýál aıyndaǵy alty kún orazanyń bir jyldyq saýabyn osy aıatpen baılanystyrady. Ramazan aıyndaǵy otyz kún men Sháýýál aıyndaǵy alty kún qosylǵanda, otyz alty kún bolady. Bul san on esege kóbeıtilse, úsh júz alpys kúndi quraıdy. Mine, bul – Jaratýshy Iemizdiń bizge degen sheksiz meıirimi.

Sháýýal aıyndaǵy orazaǵa qatysty keıbir máseleler:

1.Sháýýál aıynyń orazasy nápil oraza bolyp tabylady. Iaǵnı, muny ustaý – eshkimge mindet emes, musylmannyń óz erkinde. Degenmen, muny ustamaǵan jan joǵaryda keltirgen Paıǵambarymyzdyń (s.ǵ.s.) hadısindegi bir jyldyq orazanyń saýabynan qur qalady.

2.Sháýýál aıynyń nápil orazasy tek Sháýýal aıynda ǵana ustalady. Ári ony aıt kúniniń ekinshi kúninen bastap ustasa bolady.

3.Sháýýál aıynyń nápil orazasyn arasyn úzbeı qatarynan, sonymen qatar arasyn úzip bólek-bólek kúnderde de ustaýǵa bolady.

4.Ramazan aıynda túrli sebeptermen keı kúnderin qaza etip alǵan kisiler Sháýýál aıynda áýeli Ramazannyń qazasyn ótep, keıin Sháýýáldiń alty kúndik nápilin ustasa bolady.

5.Ramazan orazasyn ustamaǵan adamdarǵa da Sháýýal orazasyn ustaýyna bolady. Alaıda, olar Paıǵambarymyz (s.ǵ.s.) súıinshilegen bir jyldyq orazanyń saýabyn ala almaıdy. Sebebi, Ramazan orazasy – paryz. Ony ustamaý – úlken kúná. 

QMDB-nyń Sharıǵat jáne pátýa bólimi.

 


[1] Mýslım, Tırmızı, Ahmad ıbn Hanbal.
[2] «Ánǵam» súresi, 161-aıat.

Pіkіrler Kіrý