Saýap qalaı ólshenedi?

22 maýsym 2020 717 0
Оqý rejımi

Assalaýmaǵaleıkúm! Qandaı amaldyń saýaby kóp. Jasaǵan jaqsylyqtyń saýaby qalaı ólshenedi? Alla razy bolsyn! Rústem


Ответ

Ýaǵaleıkúmassalam!

Dinimizdiń tiregi bes paryz amalynyń saýaby kóp jáne Alla Taǵalaǵa eń unamdy amal da paryz. Eshbir túngi nápil namaz, kúndizgi nápil oraza jáne qaıyr sadaqa paryz deńgeıine jetpeıdi. Sonymen birge, paryz jáne nápil qulshylyqtyń saýabyn shynaıy nıet pen yqylas kóbeıtedi. Bul jaıly paıǵambarymyz (s.ǵ.s.): «Kimde-kim musylmandyǵyn yqylaspen oryndasa, jasaǵan árbir izgi amalyna onnan jeti júzge deıin eselep saýap jazylady. Al, bir qate-kúná amalyna bir kúná bop jazylady»,[1] – degen.

Sonymen qatar, turaqty túrde jasalǵan amal Jaratqanǵa unamdy bop sanalady. Bul jóninde Aısha anamyz (r.a.) «Alla Taǵalaǵa eń unamdy amal az bolsa da udaıy oryndalatyny»[2] degen rıýaıat jetkizgen. Iá, amalda nátıje bolýy úshin turaqtylyq qajet.

1.Ábý Hýraıra (r.a.) rıýaıaty: Alla elshisinen (s.ǵ.s.) adamdar:

- Qaı amal abzal?
- Allaǵa jáne elshisine ıman etý
- Sosyn qaı amal?
- Alla jolynda kúres.
- Sosyn qaı amal?
- Qabyl bolǵan qajylyq, - dedi[3];

2. Ábý Musa (r.a.) rıýaıat etken hadıste: «Adamdar: Ýa, Alla elshisi, musylmandyqtyń qaısysy abzal? – dep suraǵanda, Paıǵambarymyz (s.ǵ.s.): Musylmandar tili men qolynan zııan kórmegen adam musylmandyǵy, – dedi»,[4] - delingen;

3. Abdýlla bın Amr (r.a.): «Bir kisi Paıǵambardan (s.ǵ.s.): Musylmandyqtyq qaısysy abzal? – dedi. Paıǵambar (s.ǵ.s.): Tamaq berý, tanyǵan jáne tanymaǵan adamdarǵa sálem berý, – dedi»[5];

Osy sanattaǵa hadıster jaıly Tırmızı Súnáni túsindirmesi «Tuhfat Ahýazıda»: «Osy jáne osy maǵynalas hadıster tóńireginde ǵulamalar abzal amaldar jaıly jaýap suraýshy kisilerdiń jaǵdaıyna qaraı berilgen. Amaldyń abzaldyǵy ýaqyt pen adamdardyń jaǵdaıyna baılanysty», – dep túsindirgen.

Demek, amaldyń saýaby qulshylyqtyń dárejesi men adamnyń nıeti jáne yqylasyna baılanysty.

 


[1] Buharı, Mýslım
[2] Múslım
[3] Buharı, Mýslım, Nasaı
[4] Buharı
[5] Buharı

Pіkіrler Kіrý